የሕዝባዊ ስብሰባ ጥሪ ለምክንያታዊ ፖለቲካ ደጋፊዎች በሙሉ !

የኢትዮጵያውያን ዴሞክራሲያዊ ፓርቲ (ኢዴፓ) ግልፅና ዝርዝር አማራጭ ፕሮግራም ያለው ፣በጥላቻና በኩርፊያ ሳይሆን በመቻቻልና አብሮ በመስራት የፖለቲካ መርህ የሚመራ፣ ከሌሎችም ሆነ ከራሱ ጥፋትና ስሕተት የመማር ድፍረት ያለው፣ በተጨባጭና አሣማኝ ምክንያት የሚደግፍና የሚቃወም፣ ከይሉኝታና ከእወደድባይነት የፖለቲካ አመለካከት ራሱን ያፀዳ፣ ከትናንት በላይ ስለዛሬዋና ስለወደፊቷ ኢትዮጵያ የበለጠ የሚጨነቅና ሃላፊነት የሚሰማው የ21ኛው ክፍለ ዘመን ትውልድ ፓርቲ ነው፡፡

ኢዴፓ በአገሪቱ ካሉ ወቅታዊ አገራዊ ጉዳዮች መካከል

1ኛ – በዚህ ዓመት የሚካሄደው አገራዊ ምርጫ በአገራችን አጠቃላይ የፖለቲካ ሂደት ላይ ሰለሚኖረው ፋይዳ ፤

2ኛ – ከጊዜ ወደ ጊዜ እየተሻሻለ ከመምጣት ይልቅ እየተባባሰ የመጣው የአገራችን የሰብአዊ መብት አያያዝ ችግርና የዴሞክራሲያዊ ስርዓት ግንባታ ሂደት መዳከም፤

3ኛ – እያደገ በሚገኘው የአገራችን ኢኮኖሚ ዙርያ የሚታዩት ከኑሮ ውድነት፣ ከሙስና፣ ከመዋቅራዊ ሽግግርና ከነፃ የገበያ ኢኮኖሚ መዳከም ጋር የተያያዙ መሰረታዊ ርዕሰ ጉዳዮች

ላይ ጥልቅ ሕዝባዊ ውይይት ከባህርዳር ከተማ እና አካባቢ ነዋሪዎች ጋር ይካሄድባቸዋል፡፡

እርስዎ በዚህ ህዝባዊ ስብሰባ ላይ ተገኝተው ከላይ በተጠቀሱት ወቅታዊ አገራዊ ጉዳዩች ላይ አንዲወያዩ፣ በተጨማሪም ሌሎች ተዛማጅ ጥያቄዎችን አንስተው ተገቢ ምላሽ እንዲያገኙ፣ ስብሰባውን ባዘጋጀው ፓርቲ ላይም የድጋፍም ሆነ የተቃውሞ አስተያየት በነፃነት እንዲሰጡና ለፓርቲው የወደፊት አካሄድ ይጠቅማል ብለው የሚያምኑበትን ምክር አንዲለግሱ በአክብሮት ተጋብዘዋል፡፡

የስብሰባው ቦታ፡- ባህርዳር ሙሉአለም የመሰብሰቢያ አዳራሽ

የስብሰባው ቀን እና ሰዓት፡- ቅዳሜ ጥቅምት 22 ከቀኑ 3፡00 ጀምሮ

ኢዴፓ የዛሬውና የወደፊቱ ትውልድ ፓርቲ!!!

ለበለጠ መረጃ በ 011 550 87 27/28 ወይም 0913333150 ይደውሉ፡፡

Share this...
Share on Facebook
Facebook
Tweet about this on Twitter
Twitter