Lidet Ayalew

የአቶ ልደቱ የፍርድ ቤት ውሎ

ዛሬ አቶ ልደቱ በ9/3/2013 ዓ/ም የምስራቅ ሸዋ ዞን ከፍተኛ ፍርድ ቤት ያዘዘውን ትእዛዝ ተፈፃሚነት ለማረጋገጥ ነበር።

የኦሮሚያ ፖሊስ ኮሚሽን ለምን አቶ ልደቱ እንደማይለቀቁ ቀርቦ እንዲያስረዳ

ለቢሾፍቱ ከተማ ፖሊስ መምሪያ ሃላፊ አቶ ልደቱን እንዲለቅ የተሰጠ ትእዛዝ

የኦሮሚያ ፖሊስ በተወካይ በኩል መልስ በፅሁፍ አቅርቧል።
ኮሚሽኑ ” በደብዳቤ ከቢሾፍቱ ከተማ ፖሊስ መምሪያ ባገኘሁት መረጃ መሠረት አቶ ልደቱ ያልተለቀቁት ኦሮሚያ ጠቅላይ ፍርድ ቤት ህገ መንግስቱን በሃይል ለመናድ ተንቀሳቅሰዋል በሚል ክስ ስለተመሠረተባቸው ነው።” የሚል መልስ ሰጥቷል።

ፍርድ ቤቱ ” እኛ የጠየቅናችሁ በ100ሺ ብር ዋስ ይፈቱ ባልነው መዝገብ ነው። መልስ እየሰጣችሁ ያላችሁት ስለሌላ መዝገብ ነው። ስለዚህ መልሳችሁ አጥጋቢ አይደለም ብሏል።

የቢሾፍቱ ከተማ ለምን አለቀቃቸውም በሚለው ላይ ፖሊስ መልስ ሰጥቷል።

ፖሊስ በፍርድ ቤቱ ትእዛዝ መሠረት አቶ ልደቱን ከእስር ፈትተናል። አሁን የታሠረው ልላ ክስ ስለተመሠረተበት ነው ብሏል።

አቶ ልደቱ በዚህ ጊዜ መረጃ ሰጥተዋል
ክቡር ፍርድ ቤት እኔ ከታሠርኩ ጀምሮ ለአንድ ሰከንድም ተፈትቼ አላውቅም። ነገር ግን ትናንት 10 ሰአት ከ20 ላይ አንድ ፖሊስ መጥቶ ” በመዝገብ ላይ ፈትተንህ እንደገና ያሰርንህ መሆኑን እንድታውቀው ” ብሎ ነግሮኛል። የ100ሺ ብር ዋስትና እንዳሲዝ የተደረገው በመዝገብ ላይ ተፈትተሃል እንድባል ከሆነ በእውነት ይህ በፍትህ ላይ የሚሠራ ወደር የለሽ ቁማር ነው።

ፍርድ ቤቱ እንዲያውቀውም ያህል በህገ ወጥ መንገድ ታስሬ ከመቀመጤ ውጭ እስካሁን ድረስ የሌላ ክስ መጥሪያ አልደረሰኝም ”

” ክቡር ፍርድ ቤት እናንተ አቅማችሁ በፈቀደ መጠን መብቴን ለማስከበር ጥረት አድርጋችኋል። ከልብ አመሰግናለሁ። ነገር ግን በእንደዚህ አይነቱ የአማተሮች የፖለቲካ ቲያትር የክቡር ፍርድ ቤቱ ውድ ጊዜ መባከን የለበትምና በፖሊስ እምቢተኝነት ሳልፈታ መቅረቴ ብቻ ለታሪክ ተመዝግቦ ወደሚቀጥለው ክርክር እንሸጋገር ” ብለዋል።

” ፍርድ ቤቱም በእርስዎ ላይ የተጣሰው ህግ ብቻ ሳይሆን ህገ መንግስቱ ነው ” ብሏል።

በመጨረሻም አቶ ልደቱን የቢሾፍቱ ከተማ ፖሊስ መምሪያ መልቀቁን በቃል ሳይሆን በደብዳቤ እንዲያሳውቅ። ደብዳቤውንም ነገ በ8 ሰአት አጃቢ ፖሊሱ ይዞ ከአቶ ልደቱ ጋር እንዲመጣ ትእዛዝ ሰጥቷል።

አዳነ ታደሰ፤ የኢዴፓ ፕሬዚደንት

Share this...
Share on Facebook
Facebook
Tweet about this on Twitter
Twitter